Policia e Zelandës së Re ka nisur një hetim pasi një familje gjeti mbetje njerëzore në valixhet që blenë në një ankand nga një magazinë mobiliesh.
BBC shkruan se pronarët e një shtëpie në South Auckland e bënë zbulimin e frikshëm pasi shpaketuan sendet e blera për banesën e tyre.
Autoritetet policore kanë nisur hetimet për vrasje dhe po punojnë për identifikimin e eshtrave. Ndërkohë, mendohet se familja nuk është e përfshirë në ngjarje.
Mësohet se familja kishte shkuar në zonën e magazinimit të enjten e kaluar dhe kishin blerë sende për shtëpinë, ku ndër to ishin dhe valixhet.
Disa fqinjë të familjes raportuan se nga banesa e tyre po kundërmonte një aromë e çuditshme.
Ndërsa, një fqinj që kishte punuar më parë në një krematorium tha se era ishte menjëherë e dallueshme. “E kuptova menjëherë dhe mendova, nga vjen kjo?” tha ai duke iu referuar banesës së familjes.
Ndërkohë, zyrtarët e policisë kanë thënë se prioriteti i tyre është “konfirmimi i identifikimit të viktimës, në mënyrë që të mund të përcaktojmë rrethanat e plota të ngjarjes.
Ata shtuan, se për shkak të natyrës së ngjarjes do të do të duhet kohë që të të informoheshin të afërmit./Opinion.al
