Sekretari i Përgjitshëm i Partisë Socialiste, Blendi Klosi ka treguar pesë mesazhet kryesore të PS në këtë fushatë zgjedhore.
Në studion e emisionit “Opinion” në Tv Klan, Klosi shprehet se kryeson integrimi i Shqipërisë në Bashkimin Europian.
Socialisti shprehet se këto mesazhe janë konkrete për njerëzit dhe sjellin përmirësim në vend.
Blendi Klosi: Pesë janë mesazhet që kemi ne në këtë fushatë. Bashkimi Europian në mandatin e katërt. Përgatitja e Shqipërisë për Bashkimin Europian. Brenda vitit 2027 mbyllja e negociatave, që nuk është vetëm në dorën tonë, por pjesë e konsensusit që kemi. E dyta është përmirësimi infrastrukturor i vendit. Kemi bërë gjithçka mundëm për të ndryshuar komplet mënyrën e funksionimit të gjithë infrastrukturës, jo vetëm infrastrukturës së rrugëve, por kemi tashmë tre aeroporte funksional në mënyrë maksimale në vendin tonë. Natyrisht i pari Aeroporti Nënë Tereza. Është vënë në funksion aeroporti i Kukësit. Do të vihet në funksion aeroporti i Vlorës.
Përmirësimi i të gjithë sistemit të pagave në vendin tonë. Janë dyfishuar pagat për mësuesit, trefishuar për mjekët. Është përmirësuar i gjithë raporti me pensionistët. Reforma e pensioneve në vitin 2014 e kemi diskutuar sot pas 10 vitesh. Kemi mundësi të flasim për një situatë shumë më të mirë sa i përket situatës së reformës së pensioneve dhe mënyrës se si funksionon në Shqipëri. Janë mesazhe që janë konkrete për njerëzit.
E thashë edhe më përpara ne shkojmë në këtë garë jo vetëm për të premtuar, nuk kemi shumë gjëra për të premtuar, por ama themi që paga minimale ka qenë 175 mijë Lekë, ka vajtur 400 mijë Lekë dhe premtojmë që brenda këtij viti paga minimale do të jetë 500 mijë Lekë.
