Drejtuesi i emisionit “Opinion”, Blendi Fevziu, të hënën, deklaroi se portali Opinion.al është i regjistruar në Qendrën Kombëtare të Biznesit, me nipt; NUIS/NIPT: L52327026T, duke përgënjeshtruar përfshirjen e portalit në listën e publikuar nga AKEP.
“Unë pata një reagim nga një person nga AKEP-i dhe më kërkoi që z.Fevziu duhet t’a kesh parasysh këtë gjë. I them se nuk kam se çfarë të mbaj parasysh, pasi Opinion.al është i regjistruar në QKR. Portali është regjistruar me 27 nëntor 2015. Me të gjitha karakteristikat përkatëse të portalit”,-tha Fevziu.
Ditën e sotme, AKEP-i publikoi një listë me emrat e portaleve, duke iu bërë thirrje drejtuesve të tyre që pajisen me nipt në QKB dhe brenda 72 orësh të deklarojnë niptin përkatës në seksionin Kontakt të faqes së tyre online.
Duke sqaruar- më tej- se çdo subjekt duhet të kryejë procedurat sipas legjislacionit që rregullon veprimtarinë tregtare në Republikën e Shqipërisë dhe duhet të regjistrohet sipas ligjit “Për qendrën kombëtare të regjistrimit” dhe të vendosë NIPT(NUIS) në faqen e internetit sipas përcaktimeve të nenit 2 pika 5 të Ligjit.
Shiko videon:
