Gazetari Blendi Fevziu ka ndarë kujtimin e tij të fundit me piktorin dhe arkitektin Maks Velo. Intervista e fundit e tij dhe disa foto të realizuara në muajin shkurt gjatë realizimit të dokumentarit për Tiranën, duket se janë homazhi për artistin antifonformist , që siç thotë Fevziu do t’i mungojë qytetit.
“Udhë të mbarë Maks! Ti nuk jetove asnjë sekondë si njeri i zakonshëm dhe nuk kishe si të vdisje i tillë. Këtij qyteti do t’i mungojë një artist më pak, një antikonformist më pak, një dashnor i vërtetë më pak, një arkitekt më pak, por mbi të gjitha, një QYTETAR më pak!
Në këtë foto në Sheshin Skënderbej, në intervistën tënde të fundit në këtë botë, në Shkurt, më erdhi keq kur ndërsa flisje për masakrën urbane dhe trashëgiminë e rrënuar kulturore, të degjova që the: “Ne jemi njerez të papërgatitur për epokën moderne”. Më vjen akoma më keq, që asnjë nga ne nuk mundi të ta hiqte këtë bindje, me të cilën u nise për atë botë. Do na mungosh shumë Maks Velo!”, shkruan Fevziu. /Opinion.al
