Aktualitet

Bledi Çuçi: S’do doja që polici të ketë fytyrën e politikanit, as timen


Bëhu pjesë e Grupit Zyrtar të Opinion.al
>> KËTU <<
               Publikuar në : 22:40 - 22/12/20 |
Semiljana Azizi

Ministri i Brendshëm Bledi Çuçi është shprehur mbrëmjen e sotme se nuk dëshiron që policia të ketë fytyrën e një politikani, e as fytyrën e tij.

Ndryshe nga paraardhësi, Lleshaj, i cili ka deklaruar se në çdo efektiv policie do të shihnim fytyrën e tij, Çuçi tha se policia nuk duhet të ketë fytyrën e politikanit.

Sipas tij Policia  e Shtetit duhet të ecë në këtë trajektore që është tani, duke mos devijuar rrugën.

“Meraku është që performanca nuk varet nga vullneti dëshira përkushtimi që ka një min i b në punë por varet më së shumti nga rrethanat dhe politika, në fund të fundit kur të mbaroj mandatin notën nuk do e marr për angazhimin por do ta marr nga rrethanat që nuk varen nga unë. Mendoj që duhet ët vazhdojmë të ecim në këtë trajektore, nuk do të doja që polici të ketë fytyrën e politikanit, as timen”, tha Çuçi në “Open”.

Ndër të tjera Çuçi tha se është e vërtetë se lajmin e ka marrë vesh nga ambasadori Soreca në një takim me të.

“Është moment i veçantë dhe besoj se policia e shtetit por jo vetëm kanë një rol të rëndësishëm në proceset zgjedhore po për fat të mirë vitet e fundit. policia ka pasur vlerësime maksimale dhe kjo është lehtësim për mua. Edhe të gjendja civile është punuar mjaft mirë prandaj ndihem i qetë.

Nuk është çështje mos dëshire, por mos dijenije. Madje Lleshaj kur po e shpjegonte tha nuk kisha etje të madhe për këtë post. Po ishim bashkë me Soreca kur e morëm vesh, aty më tregoi twitter dhe sigurisht ishte befasi por nuk asgjë të jashtëzakonshme. Befasia ishte se unë nuk e prisja jo se nuk jam i gatshëm për këtë detyrë apo të tjera, se për sa kohë jam pjesë e këtij ekipi qeverisës, por nga ana tjetër isha i fokusuar te projektet e bujqësisë dhe reagimi ishte ai që patë.

Në një ekip trajneri mund të ndërrojë pozicionet gjatë lojës . Unë jam atje , vullneti im është i plotë dhe jam i gatshëm të kryejë detyra publike, sigurisht përgjegjësia është e madhe. Por habia ishte vetëm se isha në projekte të më dha në bujqësi”, tha ai./Opinion.al

Pas