Ministri i Brendshëm, Bledi Çuçi në seancën plenare të kësaj të enjteje iu ka kërkuar deputetëve të miratojnë shtyrjen e afatit të veprimtarisë së SPAK dhe Gjykatës së Posaçme, për të gjitha dosjet e referuara nga OFL gjatë vitit 2020.
Gjatë fjalës së tij nga foltorja e Kuvendit, ministri i Brendshëm, Çuçi e vendosur tha se OFL do të mbetet në historinë e vendit si moment kulmor në luftën ndaj grupeve kriminale.
Më tej ai tha se OFL është një mesazh i fortë për të botën e krimit se askush nuk mund ta gëzojë pasurinë e vendosur nga aktiviteti kriminal.
“OFL pati një efekt mjaft të ndjeshëm në uljen e kurbës së krimit dhe korrupsionit. Do të mbetet në historinë e vendit si moment kulmor në luftën ndaj grupeve kriminale. Ky operacion po ia arrin qëllimin për të cilin u kërkua edhe Akti Normativ një vit më parë. Ky është një mesazh i fortë për të botën e krimit se askush nuk mund ta gëzojë pasurinë e vendosur nga aktiviteti kriminal. Arsyeja pse e kërkojmë miratimin e këtij akti është që GJKKO të vazhdojë punën dhe të marrë vendimin për të gjitha pasurinë që janë të dyshuara se vijnë nga krimi”./Opinion.al
