Ndërprerja e energjisë elektrike ditën e djeshme nuk është shkaktuar nga Spanja, ndërkohë që ende nuk ka informacione përfundimtare se ngjarja mund të jetë shkaktuar si pasojë e një sulmi terrorist. Kështu është shprehur kryeministri spanjoll, Pedro Sanchez, i cili më tej shtoi se teknikët po përpiqen ende të përcaktojnë shkakun e ndërprerjes së energjisë elektrike.
Rezultatet e hetimeve të tyre do të përdoren për të përforcuar sistemin, shtoi ai.
“Ajo që ndodhi dje nuk mund të ndodhë më kurrë”, u shpreh ai.
Ndërsa një vlerësim paraprak nga operatori spanjoll i rrjetit elektrik REE ka përjashtuar një sulm kibernetik. Sanchez tha se autoritetet e sigurisë kibernetike të vendit po hetojnë një mundësi të tillë.
