Ambasadorja amerikane në Tiranë, Yuri Kim ka reaguar në lidhje me njoftimin e Byrosë Kombëtare të Hetimit për procesin e verifimit të rezultateve për përzgjedhjes së anëtarëve të saj.
LEXO EDHE: U skualifikua nga gara, BKH: Gabim njerëzor i sekretarisë
Pasi Byroja Kombëtare e Hetimit njoftoi se kishte patur një gabim gjatë procesit të përzgjedhjes së anëtarëve të saj, ka ardhur edhe reagimi i ambasadores së SHBA, Yuri Kim.
Përmes një postimi në Tëitter, Kim ka përshëndetur vendimin e BKH për të shqyrtuar rezultatet si dhe korrigjimin e një gabimi me një prej kandidatëve.
“Ne e përshëndesim njoftimin e Byrosë Kombëtare të Hetimit se ajo ka shqyrtuar rezultatet e testit dhe ka korrigjuar një gabim. Sinjal i fortë se BKH po siguron transparencë dhe integritet, praktikon kontrollin e cilësisë dhe po merr përgjegjësi për veprimet e tij. Kështu duket reforma e vërtetë!”, shkruan Kim.
Në reagimin e saj, BKH bënte me dije se kishte skualifikuar gabimisht një kandidat nga gara por e kishte korrigjuar gabimin./ Opinion.al
