Aleati kryesor i Rusisë, Bjellorusia, ka vendosur një nga njësitë e saj ushtarake jugore në gjendje gatishmërie si pjesë e stërvitjeve të befasishme.
Bjellorusia ka testuar gatishmërinë luftarake të trupave të saj në një stërvitje të paparalajmëruar.
“Inspektimet do të jenë të një natyre të gjerë dhe do të kryhen të paparalajmëruara nga udhëheqja e forcave të armatosura,” tha sekretari i Këshillit të Sigurimit të Bjellorusisë Alexander Volfovich në një deklaratë video më herët.
Vendi ka rritur aktivitetin e tij ushtarak ditët e fundit, duke shkaktuar shqetësim nga Ukraina.
Ky vlerësim është bërë nga instituti i studimit me qendër në SHBA, Instituti për Studimin e Luftës ku thuhet se:
“Qëllimi i këtyre përpjekjeve është që të vendosen forcat ukrainase në kufirin me Bjellorusinë për t’i parandaluar ato të përforcojnë operacionet ukrainase diku tjetër.
“Bjellorusia ka jashtëzakonisht pak gjasa të pushtojë Ukrainën në të ardhmen e parashikueshme, pavarësisht nga rrjedha e këtyre operacioneve. Një ndërhyrje bjelloruse në Ukrainë, për më tepër, nuk do të ishte në gjendje të bënte më shumë sesa të largonte forcat tokësore ukrainase nga pjesët e tjera të territorit duke pasur parasysh fuqinë luftarake efektive jashtëzakonisht të kufizuar në dispozicion të Minskut”.
