Ministria e Mbrojtjes në Minsk këtë të dielë tha se më pak se 9,000 trupa ruse do të vendosen në Bjellorusi si pjesë e një “grupimi rajonal” të forcave për të mbrojtur kufijtë e saj.
“Grupet e para të trupave ushtarake ruse që janë pjesë e grupimit rajonal filluan të mbërrijnë në Bjellorusi”, shkroi në Twitter Valeriy Revenko, kreu i departamentit të bashkëpunimit ushtarak ndërkombëtar të ministrisë së mbrojtjes.
“Zhvendosja do të zgjasë disa ditë. Numri i përgjithshëm do të jetë më pak se 9,000 njerëz”, tha Revenko.
Presidenti i Bjellorusisë, Alexander Lukashenko tha javën e kaluar se trupat e tij ushtarakë do të vendoseshin me forcat ruse pranë kufirit ukrainas, duke përmendur ato që ai tha se ishin kërcënime nga Ukraina dhe Perëndimi./Opinion.al
