Slavisha Krunic, një ndër biznesmenët më të njohur në Bosnjë e Hercegovinë është ekzekutuar pranë banesës së tij.
Mësohet se biznesmenit i kishin ngritur pritë, ndërsa gjatë sulmit përveç Slavisha Krunic, mbeti i vrarë truproja si dhe një nga autorët.
Sipas policisë, autori i cili mbeti i vrarë kishte të shkuar kriminale dhe ishte dënuar me 11 vite burg për vjedhje.
Ndërkohë, autoritetet kanë mundur të identifikojnë bashkëpunëtorët e tjerë që ekzekutuan biznesmenin dhe i ka shpallur në kërkim.
Deri më tani ende nuk janë të qarta shkaqet e vrasjes së Krunic.
Ai ka pasur në pronësi disa biznese, përfshirë një kompani sigurimi, shërbime të teknologjisë informative si një rrjet të dyqaneve të bukës.
Vite më parë ai ishte shprehur i shqetësuar se është nën presion nga “dikush prej skenës politike” për të shitur bizneset e tij./ Opinion.al E.Xh.
