Presidenti serb Aleksandër Vuçiç ka deklaruar se çdo zvarritje në procesin e bisedimeve dhe marrëveshjes me Kosovës, mund të sjellë destabilizimin e rajonit.
“Çdo ditë zvarritje, ka krijuar kushtet që shkëndijë ti vërë flakën të gjithë rajonit. Shtetet perëndimore që mbështesin Prishtinën duhet ta dinë këtë”, ka thënë Vuçiç për “Reuters”. “Nuk dua të flasë për vija të kuqe, por kemi shumë të tilla, ashtu sikundër ka edhe Kosova. Por nuk dua të flasë për to, sepse kjo i dëmton bisedimet. Kemi shumë dhe nuk jemi askund afër ndonjë marrëveshjeje. Nuk kemi asnjë projekt, nuk kemi marrëveshje të propozuar, nuk kemi asgjë në këtë moment. Nuk do të shkatërrojë mundësinë për të biseduar, sepse bisedimet e mbajnë gjallë Serbinë”, ka vijuar më tej presidenti i Serbisë.
Vuçiç pranoi se e ardhmja e Serbisë në BE varet nga marrëveshjet me Kosovën, duke shtuar se së shpejti mund të ketë disa nisma të reja gjermano-franceze rreth kësaj çështjeje./Opinion.al
