Pas bisedës së zhvilluar nga kreu i opozitës, Lulzim Basha me Komisioneren e BE, Mariya Gabriel ka reaguar kryeministri Edi Rama.
Përmes një statusi në Twitter, Rama shkruan se kjo quhet ndërhyrje në fushatën e brendshme elektorale të një vendi kandidat për në BE dhe për këtë arsye kërkon një reagim zyrtar nga Brukseli.
“Në dijeninë time Komisioni Europian nuk e ka zakon të fusë hundët në fushatat elektorale dhe unë pres ta mësoj zyrtarisht e publikisht nga Brukseli, nëse e kam unë gabim e ndoshta komisionerët kanë vërtetë të drejtë të bëhen palë kur popujt e Europës zgjedhin qeveritë e tyre!
Dikush në Bruksel duhet t’u thotë komisionerëve që harxhojnë kohën e punës së paguar nga taksat e popujve të Europës, për të bërë videomuhabete elektorale me Lulëzim Bashën, se kjo quhet ndërhyrje në fushatën e brendshme elektorale të një vendi kandidat për në BE!”, shkruan Rama.
Komisionerja Mariya Gabrie, zhvilloi më herët një bisedë online me kryedemokratin Lulzim Basha, lidhur me programin e Partisë Demokratike për arsimin./Opinion.al
