Forcat e sigurisë në Birmani hapën zjarr mbi kortezhin e funeralit të njërit prej 114 personave të vrarë dje nga junta, që shënoi në fakt edhe ditën më të përgjakshme të protestës që nga grushti ushtarak i shtetit më 1 shkurt. Ngjarja u raportua nga Guardian që citon dëshmitarë.
Aktualisht nuk ka raportime të viktimave në funeralin që po zhvillohej në qytetin Bago, afër Yangon.
“Ndërsa ishim duke kënduar këngën e revolucionit, forcat e sigurisë erdhën dhe qëlluan, ne ikëm”, tha një grua me emrin Aye. Ndërkohë, dy njerëz u vranë sot gjatë protestave në disa incidente në qytete të tjera./Opinion.al
