Kryeministri, Edi Rama dhe sonte një përgjigje për presidentin, Ilir Meta, i cili më herët u shpreh se kryeministri është mburrur se është djali i komunistit që vari në mes të Kukësit poetët për fjalën e lirë.
Kreu i ekzekutivit u shpreh se presidentit, duhet t’i vijë turp për fjalët që ka thënë teksa saktësoi se Meta do harrohet ndërsa Kristaq Rama do të jetë aty, tek ‘Nëna Shqipëri’ dhe Heronjtë e Pavarësisë së Vlorës.
“Kur Ilir Meta përmend babain tim, ndenj thjesht keqardhje të thellë për Ilir Metën, t’i vijë turp, por në fund fare kur Ilir Meta të jetë harruar njëherë e përgjithmonë, Kristaq Rama do të jetë aty, tek ‘Nëna Shqipëri’ dhe Heronjtë e Pavarësisë së Vlorës dhe të gjithë kur të shkojnë të nderojnë dëshmorët apo etërit e pavarësisë do të ngrenë kokën lart dhe do të admirojnë atë që Kristaq Rama i ka lënë këtij vendi”., deklaroi kryeministri në emisionin “Pa Protokoll”./Opinion.al
