Shumë nga këngëtaret dhe figurat e ekranit ndryshuan look-un e tyre këtë verë. Kjo për shkak të klipeve por edhe angazhimeve të tjera që ato kanë. Por edhe për shkak se stina verës i pranon gjithnjë ngjyrat e hapura. Por me kalimin e kohës bukuroshet tona duket se po kthehen pak nga pak në identitet, duke rikthyer ngjyrën e tyre origjinale dhe duke i’u përshtatur njëkohësisht edhe stinës së vjeshtës.
Elvana Gjata
Janë shumë të pakta rastet kur Elvana guxon me look-un, (veçanërisht me flokët), pasi nuk ka dalë kurrë nga nuanca gështenjë e flokëve të saj. Por këtë verë ylli i popit dukej një bionde shumë simpatike në klipin e saj “Njësoj”. Megjithatë nuk vonoi shumë dhe Elvana u kthye përsëri në identitet. Në fotot e fundit duket shumë e egër dhe seksi me flokët e errëta.
Nora Istrefi
Në hitin “Sa t’kom dasht” pamë jo vetëm një seksi mama (kjo ishte kënga që riktheu Norën në showbiz), por mbi të gjitha një bionde shumë sensuale. Me flokët e artë ajo u shfaq përgjatë gjithë muajve të verës, madje edhe në projektin e fundit “Majëm”. Por pak ditë më parë dhe pikërisht në Tiranë, këngëtarja nga Kosova çeli sezonin e vjeshtës në një nga klubet më në zë të kryeqytetit dhe aty pamë që ajo ishte bërë përsëri brune.
Çiljeta Xhilaga
Ajo njihet si “kameleon” i showbizit shqiptar, pasi guxon së tepërmi me look-un e saj. Edhe këtë verë Çili ishte një bionde e platintë, ndërkohë që këto ditë shohim që i ka prerë shumë shkurt flokët e saj dhe është bërë brune përsëri. Si mendoni Çiljeta është më e bukur bionde apo brune?!
Elita Rudi
Edhe moderatorja kosovare, Elita Rudi ka guxuar me pamjen këtë verë. Në fund të sezonit “Elite Zone”, ju patë një bionde shumë seksi. ndërkohë me rifillimin e programit Elita u kthye në “origjinë”.
Dorina Gegiçi
Ne e njohim si një nga brunet më seksi të modelingut, por në fakt ajo është një brune shumë simpatike. Edhe modelja shqiptare ka vendosur ti kthehet ngjyrës së natyrale, kështu që tani do t’ju duhet të mësoheni me këtë look të saj të ri.
