Komiteti Teknik është mbledhur sot për të dhënë detaje lidhur me situatën e pandemisë në vend. Shefja e Epidemiologjisë pranë ISHP, Silva Bino ka deklaruar se Gjirokastra është bashkia me më shumë të vaksinuar në vendin tonë, për t’u ndjekur nga ajo e Delvinës dhe Puka e Tropoja në veri të vendit. Gjithashtu ajo theksoi se në vendin tonë nuk ka vaksina që të kenë skaduar dhe të mos jetë përdorur.
“Gjatë kësaj jave ka patur një rritje të vaksinimit në lidhje me dozat e dyta dhe ka pasur edhe në përmirësim në mbulesën vaksinale në bashki të ndryshme. Durrësi ka dalë nga zona e kuqe, bashkia me mbulesën vaksinale më të mirë, 80% me një dozë dhe 60% me dy doza është Bahskia e Gjirokastrës, pasuar nga Delvina, Mirëdita dhe Puka po ashtu. Kemi një përmirësim në mbulesën vaksinale edhe në Bashkinë e Tropojës dhe Kukësit. Ajo çka vihet re është që arsimtarët e shkollave të mesme kanë mbulesë më të mirë vaksinale krahasuar me edukatorët e kopshteve dhe çerdheve dhe Universiteteve. Shfrytëzimi i vaksinës është një indikator i performancës së kryerjes së vaksinimit dhe është për të gjitha vaksinat mbi 80% dhe tregon që nuk ka vaksina që të ketë skaduar në vendin tonë dhe të mos jetë përdorur. Ne nuk kemi humbje të vaksinës. Kemi akoma nevojë për një rritje të vaksinimit për të arritur në shifrat mbi 95% te të gjitha grupmoshat”, tha ajo”. tha Bino./Opinion.al
