Bindja Demokratike është regjistruar sot si parti politike në Gjykatën e Tiranës, ndërsa pritet që të regjistrohet edhe në Komisionin Qendror të Zgjedhjeve për zgjedhjet lokale. Nga dokumentet e dorëzuara në gjykatë, mësohet se kryetar i kësaj partie është Astrit Patozi.
Mbrëmjen e djeshme themeluesit e Bindjes Demokratike zhvilluan një takim që zgjati tre orë, ndërsa Patozi nuk dha shumë informacion për gazetarët.
“Faleminderit shumë për këtë vëmendje kaq të madhe. Ju kërkoj ndjesë që nuk jua shuaj dot kërshërinë. Ne nuk kemi asgjë për të fshehur por asgjë për të treguar sot. Nesër do të kemi një komunikim për të gjithë ju post-faktum”, tha dje Patozi./Opinion.al
