Koordinatori i Bindjes Demokratike, Astrit Patozi, është shprehur se partia më e re në politikën shqiptare, është e rëndësishme, pasi në të kundërt PD nuk do të kishte interes që ta sulmonte atë më shumë se sa qeverinë.
Patozi është pyetur nëse do të ketë një koalicion mes Bindjes Demokratike dhe Partisë Demokratike, por ai është shprehur se nuk do ketë koalicion me një parti që nuk futet në zgjedhje.
Ndërkohë, ai nuk përjashtoi mundësin e një aleance me partitë e tjera që do të jenë pjesëmarrëse në zgjedhjet lokale.
Po ashtu, koordinatori Bindjes Demokratike mohoi zërat se kjo parti mund të bashkëpunojë me Partinë Socialiste, pasi sipas Patozit, partinë e re nuk e lidh asgjë me PS dhe se ata janë rivale.
“Ne po garojmë, ata thonë se po u marrim njerëz. Le të vijnë edhe ata. Ne do marrim pjesën tonë.
Ne nuk kemi asnjë konsideratë. Ne duam që ky projekt i ri politik, të perceptohet të ndjehet nga njerëzit e të provohet.
Bindja Demokratike nuk ka asgjë me PS dhe e ka kundërshtarin e saj kryesor. Nëse PD, na godet ne dhe jo PS, në këto momente është problem i tyre, jo i joni. Nëse ata nuk do të merreshin me ne, ne nuk do të thoshim asnjë fjalë për PD dhe LSI. Kjo e dyta, nuk ka thënë asgjë, as kundër dhe as pro”, tha patozi.
Po ashtu, Patozi foli dhe për tërheqjen e kandidatëve të Bindjes Demokratike nga gara e zgjedhjeve lokale, duke thënë se ka pasur presion nga PS./ Opinion.al E.Xh.
