“Shqipet Nalt” titullohet kënga e re e reperit kosovar BimBimma. Kënga do të jetë pjesë e albumit “Bima” që më shume mundësi do të publikohet në janar të vitit 2017.
E veçanta e “Shqipet Nalt” është videoklipi me të cilin reperi ka zgjedhur ta shoqërojë. BimBimma pak kohë më parë bëri një fushatë në rrjete sociale duke i kërkuar fansave ti dërgojnë video duke bërë shqiponjën me duar.
Sipas reperit, çuditërisht pjesëmarrja ka qenë shumë e lartë, rreth 500 video, megjithëse nuk mund të përfshiheshin të gjitha për shkak të minutazhit të kufizuar të këngës.
Pjesë e këtij klipi janë edhe emra shumë të njohur të muzikës, sportit dhe televizionit nga të gjitha trojet shqipfolëse. Këtu mund të përmendim, prezantuesen Einxhel Shkira, futbollistin Granit Xhaka apo dhe këngëtaren Tuna.
