Këngëtarja Billie Eilish, si rrallë herë në një intervistë, ka rrëfyer se si ka pësuar ankthe pasi u ekspozua ndaj pornografisë “abuzive” që në moshën 11-vjeçare.
Duke folur në SiriusXM, 19-vjeçarja e ka përshkruar si një eksperiencë që i ka shkatërruar trurin dhe ka bërë që të reflektojë.
“Atëherë nuk e kuptova pse kjo ishte një gjë e keqe – mendova se ishte mënyra për të mësuar se si të kryeje marrëdhënie seksuale”, është shprehur këngëtarja.
Eilish, e cila është gati të mbushë 20 vjeç, e ka kaluar pjesën më të madhe të jetës së saj në sytë e publikut. Ajo krijoi një reputacion për veshjen dhe stilin e saj të gjerë dhe ka folur rregullisht për imazhin dhe seksualizimin gjatë rritjes.
Tema e pornografisë doli në intervistë pasi u përmend një këngë nga këngët e saj.
Ajo i tha intervistuesit Howard Stern se tani mendon se pornografia “është një turp” pasi ka parë përmbajtje që ajo e përshkroi si “të dhunshme” dhe “abuzive” teksa rritej.
Këngëtarja po ashtu theksoi se shikimi i pornografisë në moshë aq të re i kishte “shkatërruar” trurin dhe kishte bërë që ajo të vuante makthe.
Eilish tha se ky është ” vërtet një problem ” dhe se pornografia mund të prishë në një kuptim më të gjerë të asaj që është normale gjatë seksit, duke përfshirë pëlqimin./Opinion.al
