Themeluesi i kompanisë “Microsoft”, miliarderi Bill Gates ka marrë dozën e parë të vaksinës kundër koronavirusit.
Lajmin e ka bërë të ditur vetë filantropi Gates nëpërmjet një postimi në llogarinë e tij në “Twitter”.
Gates është shprehur se pas marrjes së vaksinës ndihet shumë mirë, teksa ka falënderuar të gjithë shkencëtarët, pjesëmarrësit në hulumtime, ekipin rregullator dhe punonjësit shëndetësorë që bënë të mundur zhvillimin e një vaskine.
“Një nga përparësitë e të qenit 65-vjeç është që i përmbush kushtet për vaksinën kundër COVID-19”, ka shkruar Gates përbri fotografisë ku shihet duke u vaksinuar.
Edhe pse ai e bëri të ditur se ka marrë injeksionin, nuk ka zbuluar se me cilën vaksinë kundër COVID-19 është vaksinuar./Opinion.al
