Bill dhe Hillary Clinton kanë dy muaj që nuk flasin me njëri – tjetrin. Burimet e afërta pranë çiftit janë shprehur se shkak është bërë libri i fundit që Hillary shkruajti pas zgjedhjeve presidenciale. Mësohet se Bill nuk ka qenë dakort me titullin e zgjedhur nga bashkëshortja e tij, dhe ka flakur në plehra dorëshkrimin.
“Nuk mund ta titullosh librin tënd “Çfarë ndodhi”. Ti e di se çfarë ndodhi. Humbe. Ky është një titull prej gruaje të llastuar, nuk i përket dikujt që donte të bëhej liderja e parë femër në botë.”
Kjo frazë është bërë shkak i një krize mes tyre, ku sipas prestigjiozes “New York Post”, çifti po kalon një peridhë të vështirë. Hillary ka refuzuar të dëgjojë sugjerimet e bashkëshortit për librin, ndërsa ky i fundit është acaruar prej kokfortësisë së saj.
Duke marrë për bazë të njëjtat burime, një sherr i ngjashëm mes të dyve ka ndodhur edhe një muaj para zgjedhjeve, kur Bill Clinton i tha bashkëshortes të shkonte në zonat më të thella të Amerikës. “Nuk mund të sillesh sikur e ke të fituar, do të humbësh nëse nuk shkon të bësh fushatë në Rust Belt”, i tha ai, por Hillary nuk e dëgjoi.
