Tottenham i dha një goditje të rëndë Leicesterit në garën për biletën e fundit të Champions League për sezonin e ardhshëm.
Skuadra e Jose Mourinhos triumfoi 3-0, me gola të shënuar që në pjesën e parë.
Gara për dy biletat e fundit të Champions League këtë sezon në Premier League është e madhe, pasi në garë janë 3 skuadra, Chelsea, Leicester dhe Manchester United.
“Blutë e Londrës” duken të favorizuar, pasi janë në kuotën e 63 pikëve, ndërsa kanë dy ndeshje për të luajtur. Tashmë edhe United mori një dhuratë nga Tottenham duke qenë se aktualisht është në kuotën e 62 pikëve, po aq sa Leicester, ndërsa ka dy ndeshje për të luajtur, të fundit një finale me ish-kampionët e Anglisë./Opinion.al
