Të paktën 26 persona kanë humbur jetën pasi një person hapi zjarr në një kishë në Teksas. Ky sulm ndodhi pesë javë pas atij të Las Vegasit, një nga sulmet më të përgjakshme të historisë së fundit në vend me 58 të vdekur duke ringjallur edhe një herë debatet për rregullimin e armëve të zjarrit.
“Të dielën rreth orës 11:20 (17:20 GMT), një 20-vjeçar, i veshur me të zeza, hapi zjarr në kishën Baptist Church të Sutherland Springs”, njoftuan autoritetet lokale.
Një shkëmbim zjarri në një kishë në Teksas ka shkaktuar të paktën 26 të vdekur dhe shumë të plagosur, sipas një zyrtari lokal dhe disa mediave amerikane.
Dega e FBI në San Antonio tha se agjentët e saj janë dislokuar në vendngjarje dhe nuk ka ende asnjë pistë për motivin e autorit.
