Tërmeti 5.1 ballë që goditi veriun e vendit dje në mesditë ka shkaktuar dëme në bashkinë e Mirditës. Shumë shtëpi janë çarë ndërsa janë duke u mbledhur të dhëna të tjera nëpër fshatra. Emergjencat Civile kanë raportuar mëngjesin e sotëm mbi pasojat e termetit.
Në fshatin Përlat i Epërm, Njësia Administrative Kurbnesh, është dëmtuar 1 banesë.
Në bashkinë Klos kanë pësuar çarje të mureve 5 banesa.
Në fshatin Bardhaj, Njësia Administrative Kurbnesh, eshte dëmtuar 1 banese
Në fshatin Bulshare, Njësia Administrative Orosh, eshte demtuar 1 banese.
Në Njësinë Administrative Orosh, bashkia Mirditë eshte demtuar 1 banese.
Emergjencat Civile thonë se është ngritur grupi i punës për të verifikuar ditën e sotme të gjitha banesat të cilat kanë problematikë për shkak të lëkundjeve të tërmetit në bashkinë Mirditë.
Tërmeti me magnitudë ML=5.1 Rihter, me thellësi 15 km dhe me epiqendër në fshatin Kthellë, Njësia Administrative Kurbnesh, Bashkia Mirditë. Mësohet se lëkundjet e tërmetit kanë qenë të forta dhe janë ndier dhe në qytet Shkodër, Lezhë, Burrel, Dibër, Klos, Tiranë, Krujë dhe Elbasan. /Opinion.al
