Italia ka regjistruar 88 viktima të tjera nga koronavirusi në 24 orë e fundit. Në total nga nisja e pandemisë Italia regjistron 33,689 humbje jetësh.
Por, lajmi i mirë është se sipas Emergjencave Civile të infektuarit e rinj kanë qenë vetëm 177, për një total prej mbi 233 mijë të prekurish.
Në Lombardi, rajoni më i goditur nga pandemia gjatë 24 orëve u bënë vetëm 3,410 tamponë, 89 prej të cilëve rezultuan pozitivë.
Edhe pse një nga vendet më të goditura nga pandemia COVID-19, që prej ditës së djeshme Italia hapi kufijtë e brendshëm e të jashtëm dhe tashmë, në shtetin fqinj është kthyer qarkullimi i lirë në të gjithë territorin kombëtar e hyrje-daljet në të gjitha rajonet./Opinion.al
