Zëvendësministrja e Brendshme, Rovena Voda ka përditësuar bilancin e inspektimit të banesave në zonat e prekura nga tërmeti i 26 nëntorit.
Në një dalje për mediat, Voda tha se deri tani në qarkun e Durrësit janë inspektuar 5171 banesa.
Nga këto janë vlerësuar si të pabanusheme 2126 dhe për tu prishur 417.
“Bashkia Durrës – 1267 Objekte të inspektuara, 406 të pabanueshme, 70 për tu prishur;
Bashkia Krujë – 2267 Objekte të inspektuara, 819 të pabanueshme, 22 për t’u prishur;
Bashkia Shijak – 1637 Objekte të inspektuara, 901 të pabanueshme, 325 për t’u prishur;”
Ajo bëri me dije se deri tani në Durrës janë prishur 33 objekte.
Voda u ndal dhe te personat e akomoduar në hotele duke njoftuar se numri i tyre është rreth 4 mijë.
“Gjithashtu, po punohet intensivisht për të siguruar që rreth 4000 qytetarët e akomoduar në strukturat hoteliere, tu garantohen të gjitha shërbimet e nevojshme. Konkretisht, pranë hoteleve janë evidentuar 679 persona nën moshën 18, prej të cilëve 204 fëmije 0-5 vjeç. Gjithashtu janë 454 pensioniste, 620 që vuajnë nga sëmundje kronike dhe 177 persona me aftësi ndryshe.”, tha ajo. /Opinion.al
