Dy aksidente të rënda kanë ndodhur mbrëmjen e djeshme në vendin tonë.
Referuar të dhënave të policisë, aksidenti i parë ka ndodhur në Elbasan, ku u raportua për disa persona të plagosur.
Aksidenti ka ndodhur në vendin e quajtur “Colombo”, në Mengel, ku dy automjete që lëviznin me shpejtësi janë përplasur kokë më kokë.
Nga raportimet e policisë, u mësua se automjetet janë dëmtuar, ndërsa njëri prej tyre ka përfunduar jashtë rruge dhe ka rënë në një kanal.
Si pasojë e goditjeve të pësuara, disa persona kanë mbetur të plagosur rëndë.
Dy nga të plagosurit janë transportuar në spital në gjendje kritike.
Aksidenti i dytë, është shënuar po mbrëmjen e djeshme në aksin Shkodër-Postribë, në afërsi të fshatit Bardhaj.
Nga raportimet, u bë me dije se janë plagosur tre persona ndërsa të gjithë ndodhen jashtë rrezikut për jetën.
