(Foto ilustruese)
Tre persona janë mbytur pasditen e sotme në plazhin e Zvernecit . Ngjarja mësohet se ka ndodhur rreth orës 14 e 30.
Të tre trupat e të mbyturve janë nxjerrë nga deti. Viktimat janë dy vajza nga Vlora dhe një djalë nga Maqedonia. Dy vajzat kishin lidhje familjare me njëra-tjetrën.
Mësohet se mosha e tyre është nga 20 deri në 30 vjeç. Fillimisht është futur në det një grua për tu larë por ajo është ndodhur në vështirësi duke kërkuar ndihmë . Pasi ka ecur disa metra nuk ka patur forcë për të dalë për shkak të dallgëve të detit.
Më pas një djalë nga Maqedonia ka hyrë për t’i ardhur në ndihmë por edhe ai nuk ka mundur të dalë. Më pas ka qënë një vajzë e afërme e qytetares së parë e cila ka hyrë në det për tu ardhur në ndihmë por edhe ajo nuk ka arritur të mbijetojë.
Në zonën ku ka ndodhur ngjarja mungojnë kullat e vrojtimit. Më heret edhe një djalë 14 vjeç është mbytur në orët e para të mengjesit të sotëm në zonën e Ujit të Ftohtë në Vlorë.
