Në vend të një të diele të qetë, plazhi i Durrësit sot ka regjistruar dy viktima.
Sipas informacioneve të policisë rreth orës 2 të pasdites një 33 vjeçar duke bërë xhiro në det me motor ujë është rrëzuar dhe është mbytur.
B.M., banues në Tiranë u transportua në Spitalin Rajonal Durrës por atje ka ndërruar jetë.
Ndërkaq rreth orës 13:40, në lagjen numër 13, Durrës, një shtetase 50 vjeçare është mbytur si pasojë e infarktit, lajmëron policia.
Shtetasja N.T., banuese në Tiranë, është futur në det dhe nuk është ndjerë mirë, ajo është nxjerrë nga pushuesit dhe është transportuar në Spitalin Rajonal Durrës, ku ka ndërruar jetë, dyshohet për shkak të problemeve shëndetësore pasi vuante nga një sëmundje në zemër. /Opinion.al
