Numri i të vdekurve nga koronavirusi në Spanjë është rritur me 182 persona për 24 orë duke shkuar në një total prej 491 viktimash. Ndëerkaq numri i të infektuarve në vend ka arritur në mbi 11,100.
Madridi mbetet zona me numrin më të madh të rasteve (4,871), ndërsa pas tij vjen Katalonja me (1,394).
Sakaq, Spanja renditet në vendin e pestë në botë për nga numri i rasteve të konfirmuara pas Kinës, Italisë, Iranit dhe Koresë së Jugut.
Vendi ka marrë një sërë masash për të ndaluar përhapjen duke filluar nga mbyllja e kufijve si dhe ka nisur izolimin e pjesshëm të 47 milionë njerëzve.
Kryeministri Pedro Sanchez ka shpallur masa të jashtëzakonshme ekonomike për të mbrojtur ekonominë dhe familjet spanjolle, me një investim prej 18 miliardë euro, rreth 1.5% të produktit të brendshëm bruto spanjoll.
Ndërkohë, koronavirusi ka hyrë edhe në qeveri pasi ministria, Irene Montero ka rezultuar pozitive për COVID-19./Opinion.al
