Aktorja turke Beren Saat ka tërhequr prej kohësh vëmendjen e mediave rozë për ndarjen e mundshme nga bashkëshorti i saj, muzikanti Kenan Dogulu. Çifti u martua 5 vite më parë dhe mësohet se është në proces divorci, pasi jetojnë prej pak kohësh të ndarë.
Bashkëshorti i aktores i mohoi zërat për ndarjen në një deklaratë për mediat, ndërsa Beren Saat është dalluar e vetme në Kuruçeşme, Stamboll dhe ka krijuar jo pak konfuzion me deklaratën e saj.
Teksa është pyetur nga mediat vendase nëse çifti ka vendosur të divorcohet aktorja u përgjigj shkurt:
“Më jepni pak kohë, më lini të mendohem”. Por edhe pse përgjigja e saj nuk ishte e prerë, sipas gazetarëve turk mes çiftit gjithçka ka marrë fund prej kohësh.
Beren, e njohur kryesisht për rolin e saj Bihter në telenovelën turke “Dashuri e ndaluar”, pak kohë më parë fshiu të gjitha fotot e dasmës nga rrjetet sociale. Ajo është aktorja më e paguar turke për vitin 2018, dhe numëron një sërë rolesh të suksesshme, ndër të tjera dhe atë të sulltaneshës Kosem. /Opinion.al
