Kei dhe Vivi shkaktuan mjaft polemika me hyrjen e tyre në shtëpinë e Big Brother 9. Fakti që të dyja ishin lesbike, nuk u prit dhe aq mirë nga publiku shqiptar. Por tani që loja po bëhet më e fortë, të shumtë janë ata që janë kuriozë për Kein, më aktiven e çiftit.
Kei me tipin e saj moskokëçarës, dallohet qartë si një nga konkurrentët më të fortë në Big Brother. Por të paktë janë ata që e dinë se ajo vuan nga një sëmundje e rëndë. Ashtu siç shprehet një burim për dritare.net ajo për shkak të kësaj sëmundjeje misterioze, është detyruar ta lërë punën për periudha të gjata kohore. Sipas të njëjtit burim Kei ka punuar në fillim për “Aleancën LGBT”, por më pas është transferuar te “Streha LGBT”, ku ka punuar kujdestare sociale për pjesëtarët e LGBT-së që kanë probleme me familjen apo shoqërinë. Më poshtë keni edhe disa foto nga Kei, të papublikuara ndonjëherë./dritare.net
