Sirenat e sulmeve ajrore kanë rënë në Jerusalem dhe Tel Aviv.
Ushtria izraelite ka lajmëruar pak caste më parë se qytetarëve u është bërë thirrje se duhet të largohen nga strehëzat e tyre pasi Irani nisi breshërinë e parë me raketa gjatë ditës që nga shpërthimi i konfliktit të fundit të premten Nga ana tjetër, mediat shtetërore të Iranit raportuan se raketat balistike janë lëshuar drejt Izraelit.
Kjo është hera e parë që Irani ka qëlluar raketa gjatë ditës.
“Pak kohë më parë, IDF identifikoi raketa të lëshuara nga Irani drejt territorit të Shtetit të Izraelit.
Sistemet mbrojtëse po veprojnë për të kapur kërcënimin. Me marrjen e një alarmi, publiku udhëzohet të hyjë në një hapësirë të mbrojtur dhe të qëndrojë atje deri në njoftim të mëtejshëm”, njoftoi IDF.
Shërbimi kombëtar i emergjencës i Izraelit, Magen David Adom (MDA) tha se ende nuk ka raportime për të lënduar.
Izraeli ka vazhduar të sulmojë Iranin gjatë gjithë ditës të dielën, ku sipas mediave të huaja ka pasur shpërthime të reja në kryeqytetin Teheran.
