Ministria e Shëndetësisë ka njoftuar sot se 7 persona janë shëruar nga COVID-19 gjatë 24 orëve të fundit.
“Gjatë 24 orëve të fundit, 7 pacientë të tjerë, të gjithë nga Shkodra, i janë shtuar listës së të shëruarve, duke e çuar totalin e të shëruarve nga COVID-19 në 410.
Aktualisht në vendin tonë 288 janë persona aktivë me COVID19 dhe siç shihet numri i të shëruarve është më i lartë. Kjo tendencë tashmë vazhdon të jetë e qëndrueshme”, tha Marjeta Dervishi nga ISHP.
Por duke parë ditët e shkuara kjo tendencë nuk duket edhe aq e qëndrueshme pasi në dy ditët e shkuara janë raportuar nga 9 raste të rikuperuara, 2 më shumë se dita e sotme.
Gjithashtu nëse shohim numrin e rasteve të reja që po regjistrohen në tre ditët e fundit kanë qenë shumë më të lartë se rastet e shëruara – 15 të premten dhe 34 të shtunën – që do të thotë se diferenca mes rasteve të shëruara dhe atyre të infektuara po ngushtohet. /Opinion.al
