Qeveria e Marjano Rahoit në Spanjë u rrëzua nga një mocion mosbesimi në parlament, për shkak të një skandali korrupsioni në Spanjë.
Bëhet fjalë për një aferë që vazhdon prej vitesh dhe nga e cila e kanë pësuar disa zyrtarë të partisë në pushtet, të dënuar për ryshfeti për kontratat shtetërore, thuajse dhjetë vjet më parë.
Por implikimi i plotë i niveleve më të larta të qeverisë ka dalë vetëm tani dhe situata është përshkallëzuar.
Në një nga vendimet e Gjykatës së Lartë, u tha se Partia Popullore në pushtet e ka shndërruar korrupsionin në sistem në të gjitha institucionet e vendit, madje duke vënë në dyshim edhe dëshminë e kryeministrit Rahoi.
Partia Socialiste do të krijojë një qeveri të re për ta çuar vendin drejt zgjedhjeve. Bashkimin e kundërshtarëve të tij politikë, Marjano Rahoi e ka konsideruar një koalicion Frankeshtajn që do ta kalojë vendin në duart e monstrave të politikës.
