Një punëtor ndërtimi ka humbur jetën, pasi ra nga skela ku punonte për lyerjen e pallateve në Fier.
Policia thotë se janë ndaluar sipërmarrësi dhe inxhenieri e një firme ndërtimi, pasi nuk kishin siguruar kushtet e punës.
Ata janë: Agron Ramaj, 48 – vjeç, banues në lagjen “Konferenca e Pezës”, me detyrë sipërmarrës të lyerjes së fasadave të pallateve në Bashkinë e Fierit.
Bledar Profka, 35 – vjeç, banues në lagjen “Sheq i Madh”, me detyrë inxhinier i ndërtimit, që ka në kontroll punimet në rrugën “Mujo Ulqinaku”, në Bashkinë e Fierit.
Ndali i tyre u bë pasi gjatë ditës së diel, në lagjen “Liri”, është rrëzuar nga skela punëtori i firmën “AGBES”, 56 -vjeçari, E.Gj, banues në lagjen “Kastriot” Fier. Si pasojë e plagëve të marra ai ndërroi jetë një ditë më pas në Spitalin Ushtarak të Tiranë.
Mbi të ndaluarit rëndon akuza për veprën penale “Shkelje e rregullave të mbrotjes në punë”.
*Foto ilustruese
