Një ngjarje e rëndë është regjistruar në fshatin Mesul, Pukë, ku një 40-vjeçare dyshohet se ka rënë nga pema dhe për pasojë ka ndërruar jetë rrugës për në spital.
“Në fshatin Mesul, Njësia Administrative Gjegjan, Pukë, shtetësja D.K, 40 vjeçe, dyshohet se ka rënë nga një pemë arrë në pronë të saj dhe për pasojë ka gjetur vdekjen rrugës për në spital. Në vendngjarje ndodhen shërbimet e policisë dhe grupi hetimor”, njofton policia.
Nën drejtimin e Prokurorisë vijojnë veprimet për dokumentin e plotë të rrethanave të ngjarjes.
