Një 62-vjeçar në Kavajë është dërguar i pajetë mesditen e sotme në Urgjencën e Spitalit Rajonal Durrës, pas një aksidenti në punë.
Sipas informacionit paraprak të Policisë së Shtetit, 62-vjeçari ishte duke punuar në një pallat në Qerret Kavajë, por dyshohet se është rrëzuar nga trari prej druri gjatë çmontimit të skelave të ndërtimit, e për pasojë ka humbur jetës.
Si shkak i këtij aksidenti, ka mbetur lehtë i lënduar në këmbë një shtetas tjetër.
Deri më tani janë shoqëruar në ambientet e Komisariatit personat që kanë qenë prezentë gjatë këtij aksidenti, ndërsa po punohet për sqarimin e plotë të ngjarjes nga ana e grupeve të hetimit.
Njoftimi i Policisë:
Kavajë/Informacion paraprak
Rreth orës 15:30, në Urgjencën e Spitalit Rajonal Durrës, është dërguar pa shenja jete shetasi I. P. rreth 62 vjeç, i cili ka qënë duke punuar në Qerret Kavajë, në një pallat.
62-vjeçari dyshohet se ka humbur jetën si pasojë e rrëzimit të një trari prej druri gjatë çmontimit të skelave të ndërtimit.
Po si pasojë e rënies së trarit është dëmtuar lehetë në këmbë shtetasi S. H.
Janë shoqëruar në Komisariat personat që kanë qënë prezent në vendngjarje.
Grupi hetimor ndodhet në vendngjarje dhe nën drejtimin e Prokurorisë po punuon për sqarimin e rrethanave të ngjarjes.
