Një ngjarje e rëndë ka ndodhur mëngjesin e sotëm në zonën e Saukut, ku një punëtor ka humbur jetën.
Policia njofton se bëhet fjalë për 60-vjeçarin me iniciale F.Z., i cili duke punuar në një objekt në rikonstruktim, ka rënë nga lartësia dhe më pas ka ndërruar jetë rrugës për në spital.
“Rreth orës 09:00, në zonën e Saukut në një objekt në rikonstruktim ka rënë nga lartësia në rrethana ende të paqarta shtetasi F. Z., 60 vjeç i cili gjatë rrugës për në spital ka ndërruar jetë. Po punohet për sqarimin e rrethanave të ngjarjes”, njofton shkurtimisht policia.
Ky është rasti i dytë brenda pak kohësh, ku një tjetër person humbi jetën gjatë punimeve në stadiumin “Arena Kombëtare”. Vazhdimisht punëtorët ankohen për mungesën e sigurisë teknike, por deri më tani gjithçka ka rënë në vesh të shurdhër dhe nuk ka masa konkrete për këtë fenomen./Opinion.al
