Rajoni

Bie në pranga rrjeti i shpërndarësve të drogës në baret e Mykonos


               Publikuar në : 17:53 - 23/06/19 |
Al Do

Policia greke ka shkatërruar një rrjet shpërndarësish droge të përbërë nga shqiptarë dhe sllovenë të cilët operonin në disa bare të ishullit Mykonos.

Të rinjtë përdornin si bazën e tyre një banesë të marrë me qera nga një 22 vjeçar shqiptar. Ky i fundit ra pre e kontrollit të policisë me qen nuhatës të lëndëve narkotike në portin e Mykonos. Në valixhen e tij policët gjetën dy pako njëra me 57.13 gram kokainë dhe tjetra 67.41 gram.

Pas arrestimi të 22 vjeçarit policia bëri kontroll në banesën e tij ku u identifikuan dhe arrestuan edhe gjashtë bashkëpunëtorët e tjerë që përbënin të gjithë rrjetin. Ata ishin në mosha që varionin nga 22 në 27 vjeç. Në apartament u gjetën gjithashtu dy pako me methamphetamine (MDMA) me peshë 47.01 gram, dy pako me kërp të papërpunuar me peshë 11.19 gram, dy pako me kokainë me peshë 14.99 gram, 17 tableta me përbërës kimikë të panjohur të cilat u dërguan për analizë, një rende metalike me mbetje hashashi.

Të rinjve ju gjetën dhe sekuestruan edhe 1900 euro të përfituara nga shitja e drogërave të ndryshme, gjithashtu u sekuestruan dhe 11 celularë që përdoreshin për të cilët kërkohej konfidencialiteti për të identifikuar furnizuesit dhe “klientët” e tyre. Të rinjtë e arrestuar do të ndiqen penalisht për posedim, transport dhe trafik droge.

Ishulli i Mykonos është një nga më të famshmit në Greqi dhe nga më të frekuentuarit. Ai shquhet për kozmopolitetin e tij, plazhet e bukura dhe festat e të cilat zgjasin gjatë gjithë ditës nëpër baret e ndryshme. /Opinion.al

Pas