Një 40-vjeçar ka ndërruar jetë teksa ka qenë duke kryer punime elektrike në shtëpinë e një personi tjetër. Sipas policisë, I. C. ka rënë në kontakt me rrymën e për pasojë ka ndërruar jetë.
“Më datë 03.10.2021, rreth orës 19:45, dyshohet se shtetasi I. C., rreth 40 vjeç, duke kryer punime elektrike në banesën e shtetasit F. K., ka rënë në kontakt me rrymën elektrike e për pasojë ka ndërruar jetë”, njofton policia.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
