Instituti i Gjeoshkencave, Energjisë, Ujit dhe Mjedisit ka bërë parashikimin për rrezikun e përmbytjeve në 24 orët e ardhshme për vendin tonë.
Sipas llogaritjeve të IGJEO, në ditën e sotme dhe në ditët në vazhdim, për shkak të rënies së intensitetit të reshjeve, në basenin e lumit Vjosa prurjet do të jenë në rënie.
Ky informacion do të përditësohet nga IGJEO sipas llogaritjeve më të fundit hidrologjike dhe do të njoftoheni për çdo ndryshim në parashikimin e rrezikut të përmbytjeve.
Reshjet
Sot pasdite (e diel, dt.12) dhe nesër (e hënë, dt.13) priten reshje të dobëta në të gjithë qarqet. Në lartësitë mbi 400 m në verilindje dhe juglindje reshjet priten të jenë në formë dëbore.
Temperaturat
Nesër (e hënë, dt.13) temperaturat minimale dhe maksimale të ajrit pritet të arrijnë:
në bregdet: 4 / 12 °C
në vendet e ulëta: 2 / 10 °C
në vendet malore: -3 / 3 °C
Era
Sot pasdite (e diel, dt.12) dhe nesër (e hënë, dt.13) era pritet të fryjë e lehtë deri mesatare.
