Ekspertiza mjeko-ligjore ka rrëzuar pretendimin se Fadil Kasemi mund të kishte probleme mendore. Ai akuzohet për vrasjen e ish-bashkëshortes së tij, gjyqtares Fildes Hafizi. Ekspertiza është dorëzuar në Prokurorinë e Krimeve të Rënda paraditen e sotme.
Ngjarja e rëndë tronditi Tiranën dy muaj më parë. Çifti kishte patur një divorc të vështirë, ndërsa gjyqtarja e ndjerë nuk mundi ti shpëtonte dhunës së ish-bashkëshortit i cili i mori jetën në makinë, poshtë pallatit ku banonte në zonën e Porcelanit.
Ajo ishte ankuar në të gjitha institucionet përfshirë dhe ambasadën amerikane për vendimin e padrejtë të gjykatës së Tiranës për lirimin e ish-bashkëshortit 1 vit më parë.
Fildes Hafizi la dy fëmijë jetim dhe prindërit e moshuar. Kamerat televizive na treguan kushtet e vështira ekonomike të familjes së gjyqtares së Shkodrës.
