Presidenti Joe Biden nuk i ka kursyer batutat në një fjalim të tij në darkën e Shoqatës së Korrespondentëve të Shtëpisë së Bardhë të shtunën.
Biden bisedoi në një përballje miqësore që u organizua me gazetarët dhe korrespondentët e Shtëpisë së Bardhë në lidhje me moshën e tij ndërsa kërkon një mandat tjetër katërvjeçar.
Presidenti i Amerikës bëri shaka teksa u shpreh se 92-vjeçari Rupert Murdoch e bëri atë që të dukej si këngëtari Harry Styles. Me nota humori, ai tha se ishte mik me një nga themeluesit e Shteteve të Bashkuara të Amerikës, James Madison.
“Shiko, unë kuptoj se mosha është një çështje krejtësisht e arsyeshme,” tha ai, përpara se të ndante këndvështrimin e tij: “Ju mund të mendoni se nuk më pëlqen Rupert Murdoch. Kjo thjesht nuk është e vërtetë. Si mund të mos më pëlqejë një djalë që më bën të dukem si Harry Styles?”
“Më quani të vjetër, unë e quaj atë të kalitur. Ju thoni se jam i lashtë, unë them se jam i mençur”, tha Biden.
Ai më pas shtoi: “Ti thoni se jam mbi kodër, Don Lemon do të thoshte: “Ky është një burrë në kulmin e tij”.
Zoti Biden, në moshën 80-vjeçare, ka njoftuar se planifikon të kandidojë për rizgjedhje dhe sulmoi kritikët që mendojnë se ai është shumë i vjetër për ta bërë këtë.
Ai gjithashtu iu kthye një teme nga fjalimi i vitit të kaluar, duke thënë se “demokracia e Amerikës mbetet në rrezik” nga keqinformimi dhe “helmi” në disa pjesë të shtypit.Gënjeshtrat, komplotet dhe keqdashja të përsëritura vazhdimisht, të krijuara për të gjeneruar një cikël zemërimi, urrejtjeje dhe madje edhe dhune,” tha Biden, duke treguar ndalimin e librave, ligjet kundër transgjinorëve, ndalimin e abortit dhe dëbimet e fundit të përfaqësuesve të shtetit për shkak të protestave./Opinion.al
