Presidenti amerikan Joe Biden pritet të takohet me refugjatët ukrainas të premten në një qytet pranë kufirit polako-ukrainas, në pjesën e fundit të udhëtimit të tij katër-ditor në Evropë.
Air Force One do të zbarkojë në qytetin polak të Rzeszow, disa kilometra nga kufiri me Ukrainën.
Gjatë vizitës së tij, Biden pritet të takohet me anëtarët e Divizionit të 82-të Ajror të SHBA-së, pjesë e dislokimit të NATO-s në krahun e saj lindor.
Ai gjithashtu do të informohet për situatën e rëndë humanitare në Ukrainë. Më shumë se dy milionë refugjatë kanë ikur në Poloni – kryeqyteti Varshava strehon rreth 300,000 prej tyre.
Biden do të takohet edhe me presidentin polak Andrzej Duda për të falënderuar vendin për përpjekjet e tyre humanitare.
Udhëtimi i Presidentit të SHBA vjen pasi Perëndimi përballet me pyetje urgjente se çfarë do të bëjë më shumë për të ndihmuar ukrainasit që janë ende duke i bërë ballë sulmit rus./Opinion.al
