Presidenti amerikan Joe Biden shprehet se SHBA janë gjithmonë të hapura ndaj sanksioneve shtesë ndaj Rusisë, pasi Bashkimi Evropian dhe Britania e Madhe njoftuan sanksione të reja.
“Unë do të flas me anëtarët e G7 këtë javë për atë që do të bëjmë”, Biden tha për gazetarët.
Presidentja e Komisionit të BE-së Ursula von der Leyen propozoi një sërë masash duke përfshirë ndalimin e naftës ruse. Propozime të tjera përfshijnë heqja e bankës më të madhe ruse Sberbank dhe dy kompanive të tjera nga sistemi SWIFT, ndalimin e tre transmetuesve shtetërorë rusë nga valët evropiane etj.
Sekretarja e Jashtme e Mbretërisë së Bashkuar, Liz Truss, njoftoi të mërkurën sanksione të mëtejshme kundër 63 qytetarëve dhe subjekteve ruse, duke përfshirë edhe kompanitë e mediave ruse pas fushatës së egër të dezinformimit të Putinit.
