Bota

Biden për vendimin e tërheqjes: E fola në G7 dhe me partnerët e NATO


Bëhu pjesë e Grupit Zyrtar të Opinion.al
>> KËTU <<
               Publikuar në : 21:15 - 20/08/21 |
Opi Nion

Presidenti amerikan Joe Biden ka mbajtur ditën e sotme një konferencë për mediat lidhur me situatën aktuale në Afganistan ku po vijon prej ditësh procesi i evakuimit për ata që duan të largohen.

Gjatë fjalës së tij Biden është pyetur nëse SHBA-ve i ka rënë kredibiliteti tek aleatët me vendimin e marrë dhe mënyrën sesi po menaxhohet situate në Afganistan.

Për t’ju përgjigjur pyetjes Biden tha se kjo gjë nuk vihet në pyetje.

Ndër të tjera presidenti amerikan u shpreh se nuk ka parë që besueshmëria e amerikës të bjerë në sytë e aleatëve në të gjithë botën.

Kreu i Shtëpisë së Bardhë u shpreh ndër të tjera se ai ka folur me aleatët e NATO -s, këshilltarët e sigurisë kombëtare, sekretarin amerikan të shtetit Antony Blinken dhe sekretarin e mbrojtjes Lloyd Austin.

 “Le t’i vendosim gjërat në prespektivë. Çfarë interesi kemi në Afganistan në këtë pikë kur Al Kaeda është zhdukur? Ne shkuam në Afganistan për qëllimin e qartë për të hequr qafe al Kaedën në Afganistan, si dhe për të goditur Osama bin Ladenin, dhe e bëmë”, tha Biden.

“Ju e njihni pozicionin tim për një kohë të gjatë, të gjatë. Është koha për t’i dhënë fund kësaj lufte,” shtoi ai.

“Kjo ka të bëjë me Amerikën që udhëheq botën. Dhe të gjithë aleatët tanë janë pajtuar me këtë. Dhe meqë ra fjala, para se të merrja këtë vendim, isha në G7, si dhe u takova me partnerët tanë në NATO, dhe u thashë të gjithëve, çdo njëri prej tyre e dinte dhe ishte dakord me vendimin që mora për t’i dhënë fund – bashkërisht-përfshirjes sonë në Afganistan, “tha Biden./Opinion.al

Pas