Presidenti i SHBA-së, Joe Biden niset vizitën sot fillimisht në Tel Aviv dhe më pas në Aman të Jordanisë, në një udhëtim që konsiderohet vendimtar për ndikimin e SHBA-së në Lindjen e Mesme, por edhe më i rrezikshmi i presidencës së tij.
Presidenti amerikan dëshiron të shprehë në të njëjtën kohë mbështetje për Izraelin, për të negociuar një mekanizëm për ofrimin e ndihmës humanitare për Gazën dhe për të parandaluar një përshkallëzim më të gjerë të krizës.
Pasi siguroi popullin izraelit për solidaritetin e vazhdueshëm të SHBA-së me Izraelin, Sekretari amerikan i Shtetit Anthony Blinken tha se Biden do të udhëtojë në Jordani për t’u takuar me tre udhëheqës arabë, Mbretin Abdullah II, presidentin e Egjiptit Abdel Fattah al-Sisi dhe presidentin e Autoriteti Palestinez Mahmud Abbas.
“Do të përsëris besimin tonë se Hamasi nuk përfaqëson shumicën dërrmuese të popullit palestinez, i cili është gjithashtu viktima ”, tha John Kirby, zëdhënësi i Këshillit të Sigurisë Kombëtare të Shtëpisë së Bardhë.
Pas sulmit të Hamasit më 7 tetor , Biden theksoi se Izraeli ka “detyrë” të mbrohet.
Bazuar në shifrat e fundit, sulmi i organizatës islamike palestineze vrau 1400 njerëz në Izrael. Ndërsa ushtria izraelite, tashmë duke bombarduar pa pushim Rripin e Gazës, përgatitet për një operacion tokësor, Biden e di se rreziku i një katastrofe humanitare po rritet çdo orë./Opinion.al
